ചലച്ചിത്ര നടനും കേരള സംഗീത നാടക അക്കാദമി ചെയര്‍മാനുമായ മുരളി അന്തരിച്ചു. 55 വയസായിരുന്നു.ആറാം തിയതി രാത്രി 8.30 നായിരുന്നു അന്ത്യം. കൊല്ലം സ്വദേശിയാണ്. .അദ്ദേഹത്തിന് ഭാര്യയും ഒരു മകളുമുണ്ട് .മരണസമയത്ത് ഭാര്യയും അദ്ദേഹത്തിന്റെ അടുത്ത സ്വന്തക്കാരും സമീപത്തുണ്ടായിരുന്നു . ശ്വാസതടസത്തെ തുടര്‍ന്ന് കഴിഞ്ഞ ദിവസമാണ്‌ അദ്ദേഹത്തെ P.R.S ആശുപത്രിയില്‍ പ്രവേശിപ്പിച്ചത് .ലണ്ടന്‍ യാത്ര കഴിഞ്ഞു രണ്ടു ദിവസം മുന്‍പാണ് തിരിച്ചെത്തിയത്‌. കുറെ നാളായി പ്രമേഹരോഗ ബാധിതനായിരുന്നു. ആശുപത്രിയില്‍ പ്രവേശിപ്പിച്ച അദ്ദേഹത്തിന് ഇടക്ക് ഹൃദയസ്തംഭനവും ഉണ്ടായി.നാടക രംഗത്തുനിന്ന്സിനിമയില്‍ എത്തിയ അദ്ദേഹം മലയാള ചലച്ചിത്ര രംഗത്ത് തന്റേതായ ശൈലി നിലനിര്‍ത്തിയിരുന്ന ആളാണ്.നിരവധി പുരസ്ക്കാരങ്ങള്‍ അദ്ദേഹത്തെ തേടിയെത്തിയിട്ടുണ്ട്. നെയ്ത്തുകാരന്‍ എന്ന സിനിമയിലെ അപ്പുമെസ്ത്രി എന്ന കഥാപാത്രത്തിന് 2002 വര്‍ഷത്തെ ദേശിയ അവാര്‍ഡ്‌ അദ്ദേഹത്തെ തേടിയെത്തിയിട്ടുണ്ട്. ഇതുകൂടാതെ മൂന്നു സംസ്ഥാന അവാര്‍ഡുകളും അദ്ദേഹത്തിന് ലഭിച്ചിട്ടുണ്ട്. അനുഗ്രഹീത കലാകാരന് ആദരാഞ്ജലി.
